રાજસ્થાનના જેસલમેરમાં મંગળવારે દાવપેચ દરમિયાન આ અકસ્માત થયો હતો. ભારતીય વાયુસેનાનું ફાઈટર પ્લેન તેજસ ક્રેશ થયું. કહેવામાં આવી રહ્યું છે કે આ ફાઇટર એરક્રાફ્ટ દાવપેચમાં સામેલ હતું. સદનસીબે પ્લેન પડે તે પહેલા જ પાઇલોટ બચી જવામાં સફળ રહ્યા હતા. જોકે, પેરાશૂટ સમયસર ન ખુલવાને કારણે એક પાયલોટ ઘાયલ થયો છે.
વાયુસેનાએ એક નિવેદન જારી કરીને દુર્ઘટનાની જાણકારી આપી છે. વાયુસેનાએ કહ્યું, ‘ભારતીય વાયુસેનાનું તેજસ વિમાન આજે જેસલમેરમાં ઓપરેશનલ ટ્રેનિંગ ફ્લાઇટ દરમિયાન ક્રેશ થયું હતું. પાઇલોટ્સ સુરક્ષિત રીતે બહાર નીકળી ગયા. અકસ્માતનું કારણ જાણવા માટે કોર્ટ ઓફ ઈન્કવાયરીની રચના કરવામાં આવી છે.
